Kisa cha Jongoo na Nyoka : Hadithi za Watoto 2019

Na: Queen Haji

Hapo zamani za kale, Jongoo na Nyoka walikuwa marafiki wakubwaa sana kiasi kwamba watoto wa jongoo waliweza kwenda kwa nyoka wakacheza Wakaishi huko nakurudi Nyumbani bila matatizo.

Enzi hizo Nyoka alibarikiwa kuwa na miguu Jongoo akapewa macho na Mwenyezi Mungu, basi  Nyoka na Jongoo waliendelea kuwa marafiki lakini waliishi vijiji tofauti.

Siku moja Nyoka alipata mualiko akahudhurie harusi ya Kuku lakini sharti waalikwa wote lazima wawe na macho ili waweze kuwaona maharusi na kusheherekea vyema katka harusi hiyo, Jongoo na familia yake hawakupata mualiko basi Nyoka akawaza akakumbuka kuwa yeye ana miguu sasa ataendaje kwenye harusi? ikabidi aende kijijini kwa rafiki yake Jongoo Kabla ya harusi ili akamuazime macho.

Basi alipokwenda Jongoo akamkaribisha kwa furaha Nyoka, Nyoka akamuomba jongoo amuazime macho Jongoo akagoma akambembeleza sana, basi Jongoo akampa masharti kama unaomba macho lazima na wewe uniachie miguu ili nipate hata kutembea kwakupapasa kama unavyofanya wewe, basi nyoka akaona isiwe tabu akampa na yeye akachukua macho.

Kwakua nyoka hakuwahi kuona katika maisha yake yote alivopata macho alishangaa sana vitu vilivyomo duniani akafurahi kweli, basi akaenda kwenye harusi akasheherekea kwa furaha zote.

Baada ya harusi Nyoka akaona macho ni bora zaidi kuliko miguu yake hakurudisha tena macho kwa Jongoo na Jongoo alivoona kimya aliumia sana na hakuweza kufanya lolote kwakua hakuweza kuona tena.

Hadithi yetu ikaishia hapo ndomana hadi Leo nyoka anatembea kwa tumbo lakini anaona na jongoo ana miguu ila hakuweza kuona tena.

FUNDISHO- Tujitahidi kuwa wa kweli katika maisha,uongo ni jambo baya.