MALKIA WA BARAFU (HADITHI YA MTOTO)

Kulikuwa na binti aliyeishi maeneo ya jangwani,binti huyu alikuwa ni mwerevu,mwenye upendo,mwenye hekima na aliyemsaidia kila mtu kwa jambo lililo ndani ya uwezo wake,na binti huyu aliitwa Samantha.

Siku moja aliingia bibi kizee mmoja ambaye aliomba apewe chakula hata kidogo,Samantha alimpa bibi yule chakula.Baada ya kumaliza chakula aliomba maji lakini kwa sababu ni jangwani hapakuwa na maji.Yule bibi kizee akasema “nashukuru mjukuu wangu na ili kuonesha shukrani zangu kwako nakupa zawadi”.Kisha akampa mkufu ung’aao zaidi ya dhahabu na kumwambia “kwa kuvaa mkufu huo utakuwa ni Malkia wa barafu kwani utakuwa na uwezo wa kushusha barafu na kuamuru maji nayo yakakutii”.Kisha bibi yule akatoweka huku akiacha harufu nzuri ndani ya nyumba ile.

Samantha aliamua kuuvaa mkufu ule ghafla akawa na uwezo wa kushusha barafu.Malkia huyu wa barafu alikuwa ni kam kito cha thamani katika jangwa lile kwani aliwasaidia wote kwa kuwapa maji na wakaishi kwa furaha siku zote zilizofuatia.

*********MWISHO***********