SIWEZI KURUDI

SEHEMU YA KWANZA (EPISODI YA KWANZA)

Unaonekana mji wa wastani,watu wakipita katika njia ndogondogo zenye mashimo ya hapa na pale,miti na maua vikitoa harufu tamu mithili ya marashi toka nchi za mbali,pembeni ya mji huo wanaonekana wafanyabiashara wadogo wadogo ambao wameweka bidhaa zao katika vibanda vilivyo jengwa katika ubora hafifu na kuezekwa mabati kuukuu,kelele za hapa na pale zinatoa tafsiri nzuri ya mji wa waswahili.

(Zina sikika kelele-hamaki na taharuki)

Watu: Uyo! Uyo! Kamata, piga (hahahahahaaa) mkate ngwara,kibaka uyooooooo!

Mwanamke wa kwanza: (kwa sauti ya huzuni) Maskini! Wakimkamata watamuua kijana wawatu, naogopa ata kuona wakimkamata.

Mwanamke wa Pili: jamani! Hebu ona, afu ni kijana mzuri tu,shababi kabisa harafu anakuwa mwizi. Mungu wanusuru watoto wangu jamani.

Katikati ya njia nyembamba anaonekana kijana wa makamo akikimbia na kuvuruga utaratibu wa biashara,anaruka matunda ya wauzaji,anadondosha bidhaa chini,uso wake umechakaa jasho na makunyanzi ya hofu,mtetemo wa mdomo mithili ya kitambaa kinacho peperushwa na feni. Nyuma yake wanaonekana vijana wanne walio shiba kweli kweli wakimfukuza kijana huyo na kumfanya alete shida katika soko la Machinjioni. 

Kijana mmoja anawaacha kwa mbio mita kadhaa wenzake watatu na kumkaribia mtuhumiwa,anamkaribia karibu na kumpiga mtama,anafanikiwa kumwangusha chini, anamrukia na kumkalia tumboni,anampiga na kiganja cha mkono usoni,anampiga ngumi.

(watu wanakusanyika-hamaki na taharuki zikiendelea)

Vijana watatu nao wanafika eneo aliloangushwa kijana anaefukuzwa,wanaungana na mwenzao kumshambulia kijana aliyechini.

Watu: (wakishangilia) Piga uyo! Kata mayai kanga! Tumewachoka vibaka hapa sokoni mpunguze uyo! (sauti ya mwanamke- vuruga kabisa uyo,tengua kiuno icho)

Kijana aliyechini (anayepigwa) anafanikiwa kujikung’uta na kuwaachia shati lililo chanika wale vijana wanne,anapenya katikati ya kundi la washangiliaji na kupokea makonde kadhaa kutoka kwa baadhi ya wananchi wasiojua hata kosa lake,anafanikiwa kushika njia tena,anakimbia!anakimbia maskini! Gafla anamparamia dada wawatu aliyesimama pembeni akizungumza kupitia simu yake.

Vuuuuuup! Chini,wote wawili.

Dada: ooh! Mungu wangu,utaniua we kaka! (kwa sauti iliyobanwa)

Wanasogea haraka wanaume wawili walio valia suti zao safi na vifaa masikioni na kumuinua dada huyo,wanaonekana ni walinzi.

Mlinzi mmoja: (Kwa hofu) pole bosi,umeumia?

Mlinzi wa pili: Puuu,(akimrushia konde kijana ambaye bado yupo chini akijizoa zoa,kutokana na maumivu aliyopewa na watu wenye hasira kali.)

Dada: Muache tafadhari! Msikilize imekuwaje.

Gafla! Wale vijana wakafika katika eneo la tukio, wakisindikizwa na wananchi wapambe,wasio na kazi za kufanya,wapenda matukio wenzangu,mkononi smartphone tu,pyaa pyaaa video zinachuliwa ndugu! Mzunga wa shangwe kama wote,mambo motoo hatari.

Wakaanza kumshambulia tena Yule kijana, (huku wale walinzi wakimzunguka Yule dada na wakiwa wanamtoa katika eneo la tukio) Yule dada akafoka.

Dada: msaidieni! Msaidieni na waambia!

Walinzi wakawatawanya wale vijana wanne waliokua juu ya kijana aliekuwa akifukuzwa na kumsaidia.

Kijana wa kwanza: Mwachie uyo! Mwachie uyo! ( huku akihema kwa nguvu) mwizi uyo,kabeba PC  yangu pale hosteli,ina research yangu,mwachie uyo!

Kijana Mwizi: (huku akihema kwa hofu) mnisa-sa-samehe jama-jama-jamani, Dada naomba mnisaidie,mnipeleke apo mtaa wa pi-pili nikawape PC yenu,sa-samahani jamani!

Dada: (kwa sauti ya ukali) kumbe umeiba kweli!

Mwizi: kweli Dada,kweli Dada angu,nisaidie tu,kikombe hiki kinipite,ntakupa sababu baadae,tafadhari,tafadhari sana.

Baada ya kijana mwizi kupokea tena kipigo cha makonde kadhaa licha ya walinzi kumsaidia,waliafikiana na kuingia kwenye gari la binti chini ya uangalizi wa walinzi binafsi na kwenda mtaa wa pili,kijana mwizi alikabidhi kompyuta ya wale wanafunzi wa chuo,lakini pia Dada alitoa fedha kadhaa kama pole kwa wale vijana na kuwaomba wasifike mbali zaidi.

Vijana waliondoka na kutokomea upande wa mashariki. Dada,walinzi pamoja na kijana mwizi nao waliondoka pamoja kwenye gari na kuelekea nyumbani kwa wazazi wa Yule Dada.

NYUMBANI SEBULENI

Zinaonekana samani za kifahari katika ukumbi wa wastani,mapambo mbalimbali yanayo toa tafsiri ya kipato cha Yule Dada. Kijana mwizi anaonekana kukaa katika moja ya makochi pale ukumbini,wakati walinzi wakiwa wamesimama katika pande kadhaa wakiimarisha ulinzi. Dada anapandisha ngazi na kuelekea vyumbani.

Baada ya muda mfupi,anarudi akiwa amevalia suruali ya jinsi,pamoja na tisheti ya kijivu isiyo mbana,anasogea na kukaa karibu na kijana mwizi.

Dada: (huku akimtazama mwizi usoni,kwa jicho la kustaajabu) Naitwa Mwana,mkurugenzi wa shirika la ndege la Eagle na mfanyabiashara maarufu wa mafuta. Mh! Enhee na wewe mwenzangu.

Mwizi: Naitwa Faraja,kazi yangu mwizi

Mwana: (huku akijizuia kucheka) sasa unaletaje Faraja kwa kazi yako ya wizi,mh! Tangulini Faraja akawa mwizi my dear.

Faraja: maisha na changamoto zake zinapelekea kutenda nje ya matamanio ya walio tupa majina, (akainamisha kichwa chini,baada ya muda akainua tena,akamtazama kwa makini Mwana,kisha akasema) Dada, samahani na njaa kali sana.

Bila hiana Mwana aliinuka na kumkaribisha Faraja mezani, meza imesheheni vyakula vya kila aina,nyama,mbogamboga,matunda nakadharika kana kwamba kuna sherehe ya mwana mfalme kumbe ni mlo wa siku tu. Faraja alikaa kiti cha upande wa kushoto na Mwana alikaa mbele yake lakini ni upande wa pili, walinzi sita walionekana kusimama na kuupamba ukumbi ule kwa mitutu ya bunduki, wahudumu wakionekana kuingia na kutoka ukumbini.

Faraja alishika kisu mkono wa kulia na uma mkono wa kushoto,alionekana mahiri sana wa kutumia vitu hivi tofauti na sifa zake,kitu ambacho kilimpa mashaka Mwana.

Mwana: Faraja,naweza kujua elimu yako tafadhari? (huku akimtazama machoni)

Faraja: Kidato cha nne, ( huku akionesha kutojali na kuendelea kufakamia chakula)

Mwana: unanidanganya!

Faraja: kwanini? 

Mwana: ungekuwa umeishia kidato cha nne,ungejibu nimefika form four,lakini jibu lako umelijibu kisomi zaidi kana kwamba unafahamu vizuri namna ya kujibu lakini pia rafudhi yako inaonesha umeelimika zaidi. Kuwa wazi naweza kukusaidia Faraja!

Faraja: hoja yako dhaifu dada

Mwana: (huku akistaajabu) whaaaaat! We kaka,mbona unajikuta hivyo.

Gafla,Faraja akarusha kisu alicho kuwanacho mkononi na kumchoma mlinzi mbele yake, akapanda juu ya meza na kuzunguka akitumia matako,mkononi akishika uma ana tambaa kwa haraka na kumchoma na uma machoni mlinzi wa pili.

Wakati huo Mwana alikua chini ya meza,akipiga yowe la ajabu! Faraja alichukua silaha ya mlinzi aliye mchoma na uma jichoni na kuanza kujibizana risasi. Wakati mapigano yakiendelea anaonekana mlinzi mmoja akimlenga Mwana chini ya meza, Faraja anabinua kochi na kulitumia kujikinga na risasi huku akilisukuma kochi kuelekea upande alio kuwepo Mwana na kumnyakua kisha kumsogeza karibu yake. Ziliendelea kurindima kelele za risasi kwa pande zote mbili lakini umahili wa Faraja uliweza kuwaangusha walinzi wote chini.

Faraja alimuinua Mwana aliyekuwa akitetemeka mwili mzima,hofu kuu machoni pake huku mikono yake ikitetemeka kama jenereta. Walianza kuondoka kuelekea mlangoni,kabla Faraja hajafungua mlango mlinzi mmoja amliyekuwa hajafa aliinua mtutu wake kwa tabu na kumpiga Mwana risasi ya kifua! kisha mlinzi huyo akaanguka na kukata roho.

Faraja alipagawa,Mwana kamwangukia,mikono ya Faraja imejaa damu, Mwana akilalamika.

Mwana: nakufa! Nakufa! Faraja umeniua,U-umeniua, u-u-u-meniua sina kosa mi-mi

Baada kusema maneno hayo,alinyama kimyaa!

Faraja: (huku akimtingisha) Madame!madame! madameeeeeeeee! (Kilio)

******************kimya**********

SEHEMU YA PILI - GUSA HAPA KUSOMA